Odia Learning
ମାତୃଭୂମି ମାତୃଭାଷାରେ ମମତା ଯା ହୃଦେ ଜନମି ନାହିଁ
ତାକୁ ଯେବେ ଜ୍ଞାନ ଗଣରେ ଗଣିବା ଅଜ୍ଞାନୀ ରହିବେ କାହିଁ ?
(ସ୍ୱଭାବ କବି ଗଙ୍ଗାଧର ମେହେର) |
ନୂତନ ପିଢ଼ିକୁ ଭାଷାର ମହତ୍ତ୍ୱକୁ ଉପଲବ୍ଧ କରାଇ ଓଡ଼ିଆ ଐତିହ୍ୟ ଓ ସଂସ୍କୃତିର ପ୍ରସାର ଦିଗରେ ଉତ୍ତର ଆମେରିକାରେ ପ୍ରତିଷ୍ଠିତ ଓସା ସଙ୍ଗଠନର ଓଡ଼ିଆ ଶିକ୍ଷା ଦାନ କାର୍ଯ୍ୟକ୍ରମ (OSA Odia Learning) ଏକ ଉନ୍ନତ ଚିନ୍ତାଧାରାର ପରିକଳ୍ପ | ବିଗତ ଚାରି ଦଶନ୍ଧି ଧରି ଓସାର କର୍ମକର୍ତ୍ତାମାନେ ଏହି ପ୍ରୟାସକୁ ଆରମ୍ଭ କରି ବଜାୟ ରଖିଛନ୍ତି | ଓସାର ଓଡ଼ିଆ ଶିକ୍ଷକମାନଙ୍କର ନିରନ୍ତର ପ୍ରଚେଷ୍ଠା ଅନଵୈଦ୍ୟ |
ଓସା ଅନ୍ତର୍ଭୁକ୍ତ ବିଭିନ୍ନ ସ୍ଥାନରେ ଓଡ଼ିଆ ଶିକ୍ଷାଳୟମାନ ଖୋଲା ଯାଇଛି | ଦୂର ଯାନ୍ତ୍ରିକ ସଂଯୋଗରେ ହେଉ ଅଥବା ବ୍ୟକ୍ତି ବିଶେଷ ମାଧ୍ୟମରେ ଓସାର ଓଡ଼ିଆ ଶିକ୍ଷକଙ୍କ ଦ୍ୱାରା ଓଡ଼ିଆ ଭାଷା ଶିକ୍ଷା କାର୍ଯ୍ୟକ୍ରମ ସୁଚାରୁ ରୂପେ ହୋଇଆସୁଛି | ସଂସ୍କାର ଆଉ ପରମ୍ପରାକୁ ଭିତ୍ତିକରି ଓସାର ବିଭିନ୍ନ ଜାଗାରେ ପର୍ବପର୍ବାଣି ପାଳନ ଅବସରରେ ଓଡ଼ିଆ ଭାଷାକୁ ଗୁରୁତ୍ୱ ଦେଇ ସାଂସ୍କୃତିକ କାର୍ଯ୍ୟକ୍ରମମାନ କରାଯାଇଥାଏ | ଯେପରିକି ଗଣେଶ ପୂଜା, ସରସ୍ବତୀ ପୂଜା ହେଉ ଅଥବା କୁମାର ପୂର୍ଣ୍ଣିମା, ଓଡ଼ିଆ ଭାଷାକୁ କେନ୍ଦ୍ର କରି ଏକ ଶିକ୍ଷଣୀୟ ଶୈଳୀରେ ପିଲାମାନଙ୍କୁ ନେଇ ଅତି ସୁନ୍ଦର ଭାବରେ ସଙ୍ଗୀତ, ବକ୍ତୃତା ଏବଂ ନାଟକ ପ୍ରସ୍ତୁତ କରାଯାଇଥାଏ | ଓସାର ବାର୍ଷିକ ସମ୍ମିଳନୀରେ ପ୍ରାଥମିକ ବର୍ଗର ପିଲାମାନଙ୍କ ପାଇଁ ଶବ୍ଦକୋଷର ପ୍ରତିଯୋଗିତା ଏବଂ ଉଚ୍ଚ ମାଧ୍ୟମିକ ପିଲାମାନଙ୍କ ପାଇଁ ବକ୍ତୃତା ପ୍ରତିଯୋଗିତା ଆୟୋଜିତ ହୋଇଥାଏ | ପ୍ରୋତ୍ସାହନ ଦେବା ପାଇଁ କୃତି ପିଲାମାନଙ୍କୁ ଓସା ତରଫରୁ ପୁରସ୍କାର ମଧ୍ୟ ବିତରଣ କରାଯାଇଥାଏ | ଓଡ଼ିଆ ଭାଷାର ପ୍ରଚାର ଏବଂ ପ୍ରସାର ଦିଗରେ ଓସା ସର୍ବଦା ତତ୍ପର |
ନିମ୍ନରେ ଦିଆଯାଇଥିବା ଆବେଦନ ପତ୍ରକୁ ପ୍ରୟୋଗ କରି ଓସା ଓଡ଼ିଆ ଶିକ୍ଷା ପ୍ରମାଣପତ୍ର ପାଇବା ପାଇଁ ପଞ୍ଜୀକରଣ କରିପାରିବେ |
(You can register for OSA Odia Education Certificate by applying
the application form given below.)
ଆମ ସହିତ ଯୋଡି ରହିବାର ଇ-ଡାକ ଠିକଣା :
